Diputatu batzuen hautaketan legea urratu zela argudiatuta, Egiptoko Auzitegi Konstituzionalak legebiltzarra desegin zuen ekainaren 14an. Saad el-Katatni Anaia Musulmanen Askatasuna eta Justizia alderdiko legebiltzarreko bozeramaile ohiak eta bi legebiltzarkide ohik —Wasat alderdi islamista moderatuko buru Essam Sultanek eta islamista independente Nezar Ghurabek— helegiteak jarri dituzte erabakiaren kontra, eta gaur, desegitearen aurkako argudioak azalduko dituzte epaileen aurrean.
Junta Militarraren itzala ikusi dute alderdi islamistek Auzitegi Konstituzionalaren erabakiaren atzean. Izan ere, gehiengoa zuten legebiltzarrean, eta islamisten boterea mugatzeko estrategia izan dela salatu dute.
Legebiltzarra desegitearen aurka hiru helegite jarri dituzte
Iruzkinak
Ez dago iruzkinik
Ordenatu
