Lehen aldiz emakume bat hautatu dute Pakistango Legebiltzarreko presidente

Fahmida Mirza PPP Pakistango Herriaren Alderdiko kidea aukeratu dute gaur Pakistango Legebiltzarreko presidente. Hain zuzen, lehen aldia da emakume bat hautatu dutena horko buru.

Mirzak Parlamentuko 324 botoetatik 249 jaso ditu, eta Chaudhry Amir Hussainen ordez ariko da postu horretan. Pervez Musharraf Pakistango presidentearen alderdiko kidea da Amir Hussain. Mirza, berriz, Benazir Bhutto zenaren alderdikoa da -abenduan hil egin zuten Bhutto lehen ministro izandakoa, atentatuan-.