Libanon berriz piztu dira borrokak, eta gutxienez lagun bat hil dute

Hiru eguneko borroken ostean, atzoko eguna lasaiago hasi zen Libano iparraldeko Tripoli hirian. Armadak soldaduak bidali zituen auzunerik liskartsuenetara, baina egunek aurrera egin ahala, berriz piztu ziren borrokak Baxar al-Assaden aldekoen eta aurkarien artean. Gutxienez lagun bat hil zen atzo. Auzoko herrialdean, Sirian, gutxienez 60 lagun hil ziren atzo, oposizioaren arabera. Gainera, Amnesty Internationalek salatu du Halabeko zibilak bonbardatu eta hil egiten dituztela.