Siriak gaur goizean Liga Arabiarrak herrialde horren egoerari irtenbide bat emateko adostu zuen plana sinatu du, Errusiak aholkatuta, eta, Salid al Moalem Atzerri ministroak esan duenez, zenbait zuzenketa egin ostean. Siriak Liga Arabiarraren behatzaileei ongi-etorria egingo diela esan du, gainera. Planak kaleetatik soldaduak ateratzea ere eskatzen du.
"Gure eta Liga Arabiarraren arteko kooperazioaren abiapuntu da protokoloa", adierazi du Atzerri ministroak. Akordioak kaleetatik soldaduak ateratzea ere jasotzen du. Larunbatean 38 lagun hil ziren Bashar al Assaden aldekoek tiro eginda.
