Liskarrak izan dira Kosovo eta Serbiako mugan

PRISTINA. Serbiaren eta Kosovoren arteko mugan liskarrak izan dira, eta NATOren lau soldadu eta Serbiako hamalau herritar zauritu dituzte. Bi herrialdeen arteko komunikazioa oztopatzen zuen barrikada bat desegiten hasi dira soldaduak, eta herritarrek aurre egin diete. Bitartean, bi aldeetako ordezkariak Bruselan bildu dira atzo eta gaur, joan den irailaren 2an hasitako negoziazioekin jarraitzeko.