MARKA GUZTIAK HAUTSI DITUZTE

Iragan urteko ekainaren 13az geroztik 290 egun igaro dira. Egun horietan guztietan Belgikako agintariak ez dira ados jartzeko gai izan, eta gobernua osatu ezinik jarraitzen dute. Gaur, hain justu, munduko errekorra hautsi du Belgikak; gobernurik gabe denbora gehien eman duen herrialdea bilakatu da. Hori horrela, gazteak kalera jo dute akordio eske. Patata frijituen iraultza deitu diote protestari, Tunisiako Jasminen iraultza imitatuz. Parte hartzea, baina, txikia izan da.