Azaroaren 14ko greba orokorreko istiluengatik Felip Puig jarduneko Kataluniako Generalitateko Barne kontseilariak dimisioa aurkeztu dio Artur Mas (CiU) presidenteari, baina honek ez du onartu, Efe berri agentziak dioenez.
Mossoen gomazko piloten jaurtiketen ondorioz emakume batek begi bat galdu zuen. Bideo batek erakutsi zuen Puigek gertaera horretaz emandako azalpena ez zela egia.
Kataluniako Legebiltzarrerako hauteskundeak azaroaren 25ean izan ziren, CiUk irabazi zituen, eta Mas presidentegaiak datozen asteetan hartuko du kargua. Ondoren jakinaraziko du gobernu talde berria.
