Medikuntzako Nobel Saria ama zeluletan oinarritutako ikerketarentzat

Hiru zientzilarik jasoko dute aurten Medikuntzako Nobel Saria: Mario Capecchi eta Olivier Smithies estatubatuarrek eta Martin J. Evans britainiarrak. Biomedikuntzaren eta genetikaren alorrean egin duten lana goretsi nahi izan dute Nobel Saiaren bidez, zehazki, enbrio ama zelulekin egindako lana aldaketa genetikoak eragiteko.

Haien lanari esker, geneen jokabidea ezagutu eta ulertu ahal izan da, eta, saguekin egin dituzten esperimentuetatik abiatuta, gizakiei erasaten dieten hainbat gaitzen jatorri eta bilakaera ezagutu; hala nola, gaitz neurologiko endekatzaileena, cardiobaskularrena, diabetesarena zein minbiziarena.