Meskita bat eta komisaldegi bat eraso dituzte

Bagdaden goizeko 7:25 zirenean (Euskal Herrian gaueko 5:25)meskita bat eraso dute. Ordu horretan obus bat erori da Amel auzoko Achra Mohammadia meskitan eta hiru lagun hil eta beste hiru zauritu ditu, poliziaren iturrien arabera. Ordu berean, beste obus batek Mansur auzoko Al Maamun polizia komisaldegia jo du eta polizia bat hil eta beste bat larri zauritu ditu. Azken egun hauetan komisaldegi horrek jasaten duen hirugarren erasoa da, aurrekoek biktimarik sortu ez bazituen ere. Bestalde, Estatu Batuetako aginte militarrak adierazi duenez, Irak hegoaldean azken bi asteotan 800 lagun atxilotu dituzte matxinoekin zerikusia zutelakoan, eta hauetatik 600 espetxeratuak izan dira.