Milaka albaniarrek bozak eskatu dituzte

TIRANA. Sali Berisha lehen ministro kontserbadorearen dimisioa eskatzeko beste protesta bat egin zuten atzo Tiranan, eta jendetsua izan zen, milakako asko. Joan den urtarrilaren 21ean lau manifestari hil zituztenetik maiz atera dira kalera, baina atzo, herrialde osotik iritsi ziren hiriburura agintariaren ustelkeria eta hauteskunde iruzurra salatzera.