Taldeko hautagaitza bakarra aurkeztu zen, eta 837 boto jaso ditu alde. 239 lagunek (%21,77) zuri bozkatu dute, eta 22 boto baliogabeak izan dira.
Hamabost lagunek osatuko dute idazkaritza: Quim Arrufat, Natalia Sanchez, Lluc Salellas, Nuria Gilbert, Dani Corpas, Anna Gabalda, Juanma Rojas, Elisabet PUnset, Eduardo Caliz, Aida Sanuy, Ricard Torne, Laura Rafecas, Xevi Genero, Albert Serrats eta Oscar Simonek.
CUPen antolaketa politikoa koordinatzen duen batzordea da idazkaritza. Idazkaritza utziko dutenek gutun irekia bidali diete militanteei; besteak beste, zorte ona opa diete idazkaritzako kide berriei, CUP "herri borrokei lotuta eta konprometituta" manten dezaten. "Tokiko burujabetzen gauzatzean aurrerapausoak ematea, kapitalismoaren aurrean alternatibak sortzeko aliantzak indartzea, erreferenduma irabaztea eta herri klaseen zerbitzura egongo den errepublika berri bat eraikitzea" ere opa die kide berriei.
