Jugoslavia ohia
Milosevic bere jaioterrian ehortziko dute larunbatean
Serbian lurperatuko dute Slobodan Milosevic Jugoslaviako presidente ohia larunbatean. Horrela jakinarazi du SPS Serbiako Alderdi Sozialistako idazkari nagusi Zoran Andjelkovicek. Pozarevac izeneko herrian ehortziko dute, bere jaioterrian hain zuzen, Belgrado hiriburutik 50 kilometrora. Andjelkovicek azaldu duenez, Milosevicen hilotza jendaurrean erakutsia izango da Belgradon, hileta elizkizunen aurretik. Hala ere, ez du zehaztasun gehiago eman.
Lur ematea Milosevic jaio zen herrian bertan, Pozarevacen, izango dela erabaki du familiak, arratsaldeko hiruretan. Antza denez, Milosevicen alderdiko buruak Belgradoko egoitzan daude bilduta ehorzketaren eta oroitzapenezko ekitaldiaren xehetasunak adosteko. SPS alderdiak jakinarazi du Milosevicen gorpua gaur arratsaldean ailegatuko dela Belgradora.
Iruzkinak
Ez dago iruzkinik
Ordenatu
