Auto batek eztanda egin du Beiruten, Libanoko hiriburuan, eta gutxienez bost lagun hil dira erasoan; horietako bat da Mohamed Shata Libanoko Finantza ministro ohia, Al Manar Libanoko telebista kateak baieztatu duenez.
Hamabost lagun zauritu dira leherketaren eraginez; ibilgailu batean zihoan Shata, gertu zen beste auto batek eztanda egin duenean. Larrialdi zerbitzuak joan dira erasoaren lekura. Hain zuzen, gaur zen batzar bat egitekoa Martxoak 14 koalizioa Saad Hariri lehen ministro ohiaren etxean; Haririren aholkularia ere bazen Shata.
