Mojacarko gezurrezko bonba mehatxua lapurreta batekin lotu dute

Gurutze Gorriak jasotako bonba mehatxu bat dela eta, hustu eta hesitu egin du Guardia Zibilak gaur goizean Mojacarjo (Almeria, Andaluzia) hondartza. Badaezpada hartu dute neurria, baina mehatxuaren ingurukoak ikertu eta inguruak arakatu ondoren mehatxua gezurrezkoa zela ondorioztatu du Guardia Zibilak. Azken hipotesiaren arabera, goizean ondoko herri bateko banketxean atrakoa egin duten lapurrek egin dute deia, segurtasun indarrak beste zeregin batean jarri eta errazago ihes egiteko.