Myanmarri ia zigor guztiak kendu dizkio EBk

LUXENBURGO. EB Europako Batasuneko Atzerri ministroek Myanmarren aurkako zigor guztiak kentzea erabaki dute, armen bahimendua izan ezik. Herrialdeak egin duen «aurrerapena» goraipatu dute, eta zigorrak kenduta herrialdeak hasi dituen erreformak indartzea espero dute. Dena den, Myanmarko egoera gertutik zainduko dutela jakinarazi dute, eta herrialdeak erabakiak «okerreko bidean» hartzen baditu berriz ere zigorrak jarriko dituztela ohartarazi dute.