Anders Fogh Rasmussen NATOko idazkari nagusiak esan du erakundeak baztertu egin duela "Sirian edo beste herrialde arabiarren batean" operazio militarra egitea. Libian ari da, ordea, militarki parte hartzen duela hilabete batzuetatik, Muammar Gaddafi agintariaren aurka, erreboltariak babestuta.
"Ez dugu Sirian edo beste herrialde batzuetan parte hartzeko asmorik", esan du Rasmussenek Bruselan gaur, agerraldi batean. Sirian herritarrak Baschar Al Asad presidentearen errejimenaren aurkako borrokan dabiltza aurten. Bart Siriak beste bost lagun hil ditu, herritarren protestetan.
NATOko idazkari nagusiak azaldu du Libian jarduteko NBE Nazio Batuen agindua badutela eta beste herrialde arabiarretan aritzeko ez.
