Gutxienez NATOko lau kide hil dira bart Afganistanen, eurek zihoazen helikopteroak istripua izanda, erakunde haren arabera. Helmand eskualdean izan dute ezbeharra: atentatu bat izandako polizia batzuk laguntzera joan dira eta, eguraldi txarraren ondorioz, helikopteroa erori egin da, NATOk esan duenez.
Aldiz, Afganistango ekintzaileek adierazi dute euren eraso batengatik jausi dela helikopteroa.
Polizien aurkako atentatuan lau lagun hil dira —poliziak dira laurak—.
