ISAF Segurtasuna Laguntzeko Nazioarteko Indarretako sei soldadu hil dira Afganistan hegoaldean, bonba baten leherketaren ondorioz. NATOk Afganistanen duen misioa da ISAF.
NATOko iturriek azaldu dute atzo izan zela erasoa, baina ez du hildakoen daturik zabaldu.
Hildakoak baieztatu baino lehen, Erresuma Batuko Defentsa ministerioak jakinarazi du bere herrialdeko sei soldadu desagertuta zeudela, eta beharbada Afganistanen izandako leherketa batean hil direla.
