Nazio Batuen Erakundeak datu beldurgarri bat eman du: martxoan matxinadak hasi zirenetik, Siriako erregimenak gutxienez 3.500 pertsona hil ditu protesten aurkako erasoetan. Eta, gainera, joan zen astean Liga Arabiarraren konponbiderako bide-orria onartu arren, errepresioak bere horretan jarraitzen du, eta 60 lagun inguru hil dira azken egunetan.
Hori dela eta, Siriako oposizioko alderdi gehienak biltzen dituen Kontseilu Nazionalak Damaskok egiten dizkion diru ekarpenak izozteko eta Siria erakundean sartzeko aukera bertan behera uzteko eskatu dio Liga Arabiarrari. Atzo, gainera, Siriako zortzi soldadu hil ziren talde armatu batek eginiko erasoan.
NBEren arabera, 3.500 lagun baino gehiago hil ditu Siriako erregimenak
Arabiar Ligaren plana onartu zuenetik, Al Asaden erregimenak gutxienez hirurogei pertsona hil ditu
Iruzkinak
Ez dago iruzkinik
Ordenatu
