Nnimmo Bassey nigeriarrak, Erwin Krautler brasildarrak, Shrikrishna Upadhyay nepaldarrak eta haren erakunde Sappros-ek, eta Israelgo eta Palestinako giza eskubideen aldeko medikuek jasoko dituzte Nobel alternatibo sariak, Right Livelihood Award fundazioak gaur jakinarazi duenez. Azken batean, ingurumenaren eta giza eskubideen aldeko lana sarituko dituzte.
Petrolio guneen aurka eta ingurumenaren alde Basseyk egiten duen lana goretsi du fundazioak, Krautlerrek indigenekiko eta Amazoniarekiko daukan konpromisoa goraipatu du, Upadhyayk pobrezia borrokatzen duela azpimarratu du, eta adierazi du aipatutako medikuen taldeak Israelen eta Palestinan pertsona denek osasun zerbitzua jasotzeko lan egiten duela.
Lau saridunen artean 200.000 euro jasoko dituzte.
mundua
Nobel alternatiboa, ingurumenaren eta giza eskubideen aldeko lanari
Iruzkinak
Ez dago iruzkinik
Ordenatu
