Manuel Antonio Noriega Panamako jeneral ohia Frantziara bidaltzeko agindu du gaur Paul Huck Ameriketako Estatu Batuetako (AEB) epaileak, Frantzian diru zuriketa egin izanaren akusazioa duela-eta. Hucken arabera, Noriegak gerrako presoaren estatusa eduki izana ez da eragozpen neurri hori gauzatzeko. AEBetik bidaliko dute.
Jerenal ohiak habeas corpus eskatua zuen bigarren aldiz, baina epaileak ukatu egin dio. Izan ere, honen iritziz, hura Frantzian Genevako (Suitza) Konbentzioaren babesean egongo den bermea dago era guztietara.
Gaur egun Miamiko (AEB) kartzelan dago Noriega. Narkotrafikoagatik zigortu zuten, 17 urtera, eta AEBek joan den irailean askatzeko asmoa zeukaten. Baina orduan iritsi zen Frantziaren eskaera, eta behin-behinean eduki dute preso Miamin.
Mundua
Noriega panamar jeneral ohia Frantziaratu egingo dute, diru zuriketa leporatuta
Iruzkinak
Ez dago iruzkinik
Ordenatu
