Manuel Zelaya Hondurasko Gobernuko presidente ohiaren aldeko adierazpena egin du gaur Barack Obama Ameriketako Estatu Batuetako (AEB) buruak. "Zelaya babesten dugu, harekin desadostasunak izan arren. Herritarrek aukeratu behar dituzte euren buruzagiak, gu horiekin ados egon edo ez. Baina irizpide unibertsal horren aldekoak gara".
Zelaya lehengo astean kargutik kendu egin zuen Hondurasko armadak, estatu kolpea emanda. Roberto Micheletti da harrezkero presidentea. Zelaya atzo hegazkinarekin Hondurasen lurreratzen saiatu zen baina armadak eragotzi egin zion, eta El Salvadorrera joan zen.
Urtarrilaren 20an hartu zuen Obamak AEBetako presidente kargua, eta Errusian dago atzotik, gaur arteko bidaia ofizialean. Ekonomia Berriaren Eskolan emandako hitzaldian egin ditu adierazpenok, Moskun.
MunDUA
Obama: "Zelaya babesten dugu, desadostasunak izan arren"
Errusian dago atzotik AEBetako presidentea. Hondurasko buru ohiaren alde agertu da.
Iruzkinak
Ez dago iruzkinik
Ordenatu
