Urteurrenaren harira, Jorge Fernandez Diaz Barne ministroak Terrorismoaren Biktimen Aitorpen Zibilaren Errege Ordena eman die 365 biktimari, Madrilgo Teatro Real antzokian.
Estatu hileta egin diete aurretik M-11ko biktimei, La Almudena katedralean, Madrilen, eta bertan izan dira Espainiako erregea eta erregina. Aste guztian egingo dituzte M-11ko biktimen aldeko ekitaldiak.
Francisco Martinez Segurtasun Estatuko idazkaria, Luis Aguilera Barne Ministerioko idazkariordea eta Sonia Ramos Terrorismoaren Biktimen Babes Taldeko zuzendari nagusia izan dira ohorezko dominak emateko ekitaldian, Fernandez Diazekin batera.
