Olinpiar Jokoak Londresi egokitu ondorengo erasoak

Herenegun Singapurren eginiko bilkuran 2012ko Olinpiar Jokoak Londresi egokitu izanak atzoko atentatuen jomuga bihurtzeko eragiletzat jo zuten hainbat iturrik. Halere, azken urteotan Poliziak zenbait atentatu saio eragotzi zituen, eta Al Kaeda eta honen ingurukoek duela urte batzuk dute jopuntuan Londres, batez ere honek Afganistango erasoan eta Iraken okupazioan parte hartu zuenetik. Bestalde, Londres orain Europako Batasuneko txandakako presidentetzan egotea eta G8ren goi bileraren antolatzaile izatea ekintzaileak ekitera bultzatu dituela iradoki zuen Tony Blairrek: «Argi dago goi bileraren unean ekiteko asmoa zutela».