Ehud Olmert Israelgo lehen ministro ohiari urtebeteko kartzela zigorra jarri dio Jerusalemgo Auzitegiak, ustelkeria kasu bat egotzita. 14.800 euroko isuna ere ezarri dio. Industria, Merkataritza eta Lana Ministeriotik abokatu bulego bateko bazkide ohi bati mesedeak egitea leporatu dio auzitegiak, "gehiegizko konfiantza" delitua egin zuela eta. Baldintzapeko askatasunean beteko du zigorra Olmertek. Olmertek kazetariei esan die "harro" atera dela epaitegitik.
Beste auzi batean epaitua izateko zain dago orain Olmert. Jerusalemgo alkate zenean, 1993 eta 2003 artean etxegintza operazio batean eroskerian ibili izana leporatzen dio fiskalak. Hain justu, epaia ezagutu eta berehala, "hau ez da amaitu" adierazi du Israelgo fiskal orde Eli Abravanelek.
