Siriarako Konstituzio berri bat idazteko xedearekin Baxar al-Assad presidentea prest legoke oposizioarekin gobernu koalizio bat osatzeko. "Logikoena litzateke gobernu horretan egotea independenteak, oposizioko kideak eta, noski, baita estatuarekiko leialak diren indarrak ere". Errusiako RIA Novosti agentziari eskainitako elkarrizketa batean egin du iragarpena estatuburuak.
Al-Assaden esanetan, Genevako bake elkarrizketetan adostu beharko litzateke Konstituzio berria osatzea helburu izango duen batasuneko gobernua. Estatuburuak onartu du alde guztiak ez daudela prest negoziazio horietan parte hartzeko, baina "zenbaitek onartua dute proposamena".
Genevako bake elkarrizketen bigarren saioa apirilaren 10ean hasiko dute.
