Pakistango iturri ofizialek jakitera eman dute gutxienez zazpi soldadu hil eta dozenaka zauritu direla ustez ekintzaile talibanek Hangu barrutian, Afganistanekiko mugatik hurbil, ipar-mendebaldean. Erasotzaileek granadak jaurtitzeko armekin eta fusilekin egin diete segada, soldaduak konboi batean Zargariko basera zihoazelarik.
Iturri militar baten arabera, zauritutakoak gutxienez 25 dira.
Azkenaldian maiz gertatzen ari dira ekintzaile islamisten eta soldaduen arteko borrokak, eta Pakistango Gobernuak mugaldeko probintzietako tribu batzuekin akordioak egin baditu ere, ez du talibanen ekinbidea nabarmen geraraztea lortu.
Mundua
Pakistango zazpi soldadu hil eta dozenaka zauritu dituzte segada batean
Ustezko ekintzaile talibanek Afganistanekiko mugatik gertu egin diete eraso.
Iruzkinak
Ez dago iruzkinik
Ordenatu
