Israelek ez du etenik egiten Palestinaren aurka, eta gaur 16 urteko mutil palestinar bat hil du Zisjordanian. Iraq Burin herrian manifestazio batean ari zen parte hartzen, eta Israelgo soldaduak tiroka hasi dira. Beste gazte bat larri zauritu dute.
Bart, berriz, 11 palestinar zauritu ditu Gazan, bonbardaketan. Bi lagun larri daude. Atzo ere bota zituen hegazkinetatik bonbak hara Israelek. "Terroristen guneei egin diegu eraso", esan du gaur armadako bozeramaile batek, bestelako argibiderik eman gabe. Gaza eta Egipto arteko tunelei ere egin diete eraso.
Ostegunean Israelen tailandar etorkin bat hil zuten Gazatik jaurtitako kohete batekin, eta horri erantzun diotela adierazi dute israeldar militarrek.
muNDUA
Palestinar bat hil du Israelek
16 urteko mutila da hildakoa. Tirokatu egin dute, Zisjordanian. Israelgo armadak Gaza bonbardatu du bart.
Iruzkinak
Ez dago iruzkinik
Ordenatu
