Peruko armadako bi kide hil dituzte, helikopteroan zihoazela

Atzo Perun hiru militar zauritu egin zituzten atentatuan Acobamban -herrialderan erdialdean dago-, eta gaur haiek laguntzera helikopteroan zihoazen militarrek ere erasoa jaso dute eta bi hil egin dira, Rafael Rey Peruko Gobernuko Defentsa ministroak jakinarazi duenez. Sendero Luminoso erakundeari egotzi diote atentatua.

Helikopteroko pilotoa da hildako haietako bat eta haren laguntzailea bestea. Eddie Pasquel Alfaro armadako komandantea ere bazihoan haiekin eta lepauztaia hautsi du.

Lurreratzear zirela izan da atentatua. Reyk adierazi du egileek ahalmen luzeko armamentua erabili dutela.

Astelehenean beste militar zauritu zituzten.