Petro Poroxenko presidenteak azaldu duenez, ez da "bake planari bizia emateko aukera bikaina" gauzatu. "Aurrera egingo dugu, gure lurraldea askatuko dugu", esan du Ukrainako Segurtasun Kontseiluan, su-etenaren amaiera iragartzerakoan.
Menia atzo 22:00etan amaitu zen. Halere, bi aldeen arteko borrokak izan dira egunotan, eta gaur ere jarraitzen dute, Donetsk inguruan.
Ekainaren 20an iragarri zuten su-etena Ukrainako armadak eta Luhansk eta Donetsk eskualdeetako errusiazaleek. Astebetekoa zena luzatu egin zuten, hilaren 30era arte.
Errusiak ere hitz egin du Ukrainako gatazkaz. Atzerri Ministerioak plazaratutako ohar batean dio su-etenaren amaieraren ondotik ere, "negoziazioetara itzultzeko ahaleginak egiten" jarraitu behar dutela. Helburu horretan Moskuk "laguntza" eskainiko duela gaineratu du.
