PPk aurreneko aldiz irabazi ditu Andaluziako (Espainia) legebiltzarrerako hauteskundeak. Baina gehiengo osorik gabe. Bost diputatura geratu da. PSOEk, agintzen jarraitzeko, IUren babesa beharko du.
Andaluzia ez da edozein lurralde Espainiako lehia politikoan, eskualde autonomikorik jendetsuena baita: zortzi milioi eta erdi biztanle dauzka ia-ia—. 1978an Espainiako Konstituzioa jarri zutenetik, PSOEren esku egon da erkidegoko agintaritza.
Asturiasen (Espainia) PSOE gailendu da, gehiengo osorik gabe.
ANDALUZIA botoen %99,8 zenbatuta (gehiengo osoa, 55 diputatu):
- PP: 50 diputatu (2008tik +3), %40,6. Presidentegaia: Javier Arenas.
- PSOE: 47 (-9), %39,5. Presidentegaia: Jose Antonio Griñan (hura izan da azken legealdiko presidentea).
- IU: 12 (+6), %11,3.
Parte hartzea %62koa izan da (-%10,5).
ASTURIASbotoen %99,9 zenbatuta (gehiengo osoa, 23 diputatu):
- PSOE: 16 (2011tik +1), %32. Presidentegaia: Javier Fernandez.
- Foro Asturias: 13 (-3), %24,8. Presidentegaia: Francisco Alvarez Cascos (hark lortu zuen iaz presidente kargua).
- PP: 10 (berdin), %21,5. Presidentegaia: Mercedes Fernandez.
- IU: 5 (+1), %13,7.
- UPD: 1 (+1), %3,7.
Parte hartzea %55ekoa izan da (-%11).
