Larria da egoera Kataluniako Gobernuaren irudiko. Espainiak "marra guztiak" pasatu ditu, eta "demokraziarentzat lotsa" bihurtu da. Gaur gertatu dena gobernuari "koordinatuta egindako erasoa" dela salatu du, eta Espainiak zuzenbide estatua urratu duela deitoratu du, berme konstituzionalak hautsi dituela, eta nazioartean onartuta dauden eskubideak urratu.
Kataluniako Gobernuak egindako larrialdi bileraren ostean egin ditu adierazpenok Puigdemontek. Atxilotuei babes "juridiko, politiko eta pertsonala" azaldu die, eta Kataluniako herritarrei eskatu die erantzun "demokratikoa eta baketsua" emateko.
Erantzun demokratikoa emateko bideak jarriko dituztela jakinarazi du, eta hori gizarte eragileekin batera egingo dutela; haiekin bildu eta adostuko ostean jakinaraziko dutela deialdia. "Herritarren erabakitzeko eskubidea defendatuko dugu".
Hala ere, erasoak eraso, urriaren 1a "erreferendumaren eguna" izango dela berretsi du, eta, ordura arte, "gehiegikeriak eta legez kanpoko ekimenak" salatuko dituztela. Kataluniako Gobernuak hauteskundeen eta legebiltzarraren legeak eta mandatuak jarraitzen dituela berretsi du. "Ez dugu onartuko erabakitzeko eskubidea urratzerik".
â–¶ï¸ÂÂÂÂÂÂÂÂ#president@KRLS: â€ÂÂÂÂÂÂœNo acceptarem un retorn a èpoques passades i que no ens permetin decidir les èpoques futures de llibertat i democrà cia†pic.twitter.com/jYN5DIxZMt
— Govern. Generalitat (@govern) 2017(e)ko irailak 20
