Tindufen (Aljeria) urriaren 23an bahitu zuten Rosella Urru kooperante italiarra askatu dute, Poliziaren arabera. Hala zabaldu dute Italiako hainbat hedabidek. Hala ere, Italiako Gobernuak jakinarazi du ez dutela jaso askatzearen gaineko baieztapenik.
Urrurekin batera, Enric Gonyalons eta Ainhoa Fernandez bahitu zituzten. Ez dago azken bi horien egoeraren berri. Gonyalons Mundubat GKE gobernuz kanpoko erakundeko kidea da.
Al-Qaeda Magreb Islamikoko disidente talde batek bere gain hartu zuen bahiketa.
