Saddam Hussein eta haren kideen aurkako epaiketan fiskalburu den Jafar Massauik salatu du Obeidi bahitu eta hil dutela. Defentsako beste abokatu batek, Jalil Dulaimik, berriz, zehaztu du goizeko zazpiak aldera (bostak Euskal Herrian) Bagdaden, bere etxean, bahitu dutela Obeidi, Poliziaren uniformea zeraman gizon talde batek. Ondoren hilotz agertu da.
Duela zortzi hilabete epaiketa hasi zenetik hiltzen duten defentsako hirugarren abokatua da.
Astelehenean Fiskaltzak bere eskaerak aurkeztu zituen —heriotza zigorra Saddam Hussein, Barzan Ibrahim eta beste bi lagunen aurka—, eta epaiketa amaitzeko uztailaren 10ean defentsak bere ondorioak aurkeztea baino ez zen geratzen.
Irak
Saddam Husseinen defentsako abokatuetako bat hil dute
Saddam Hussein eta haren agintari taldeko kideen aurkako epaiketan defentsako abokatu zen Jamis Obeidi bahitu eta hil egin dute. Zehazki, Barzam Ibrahim Saddamen anaiordearen abokatua zen Obeidi. Bahituta eraman dutenek Irakeko Poliziaren uniformearekin zeudela jantzita salatu dute.
Iruzkinak
Ez dago iruzkinik
Ordenatu
