Salbuespen egoera kendu du Sri Lankak

KOLONBO. Gerra zibilean ezarritako salbuespen egoeraren amaiera iragarri du Mahinda Rajapaksa Sri Lankako presidenteak. Salbuespen egoera luzatzeko proposamen gehiago ez dela egongo gaineratu du. 1983an onartu zuten salbuespen egoera, Tamil gerrillaren aurka borrokatzeko. Onartu zutenetik, hilabetez hilabete luzatu du parlamentuak.