Sendagile espedizio bateko 10 lagunen gorpuak aurkitu dituzte, tirokatuta

Afganistango poliziak jakinarazi duenez, hamar zerraldo aurkitu dituzte Afganistango ipar-ekialdean, tirokatuta. Hamar horietatik sei AEBetako herritarrakdira eta bi afganiarrak. Hildakoen artean alemaniar bat eta britaniar bat ere badaude. Horietatik zazpi gizonezkoak dira eta hiru emakumezkoak. Sendagile talde batekoak omen dira guztiak, Gobernuz Kanpoko Erakunde kristau batekoak, Nazioarteko Laguntzarako Misioa izenekoa (AIM ingelesezko siglak).

Noor Agha Kentoz polizia buruak Eferi adierazi dio, atzo gauean aurkitu zituztela gorpuak, baina, tiroketa "orain bi aste izan" zela, "gutxi gora-behera". Gorpuekin batera, balaz jositako hiru ibilgailu aurkitu dituzte.