Serbiako oposizioa kalera atera da bozak eskatzera

BELGRAD. Gobernuaren kontrako protesta egin zuten milaka herritarrek atzo Belgraden hauteskunde aurreratuak eskatzeko. Tomislav Nikolic oposizioko buruak atzo bertan gose greba hasi zuela esan zuen jendetzaren aurrean, Gobernuak hauteskundeetara deitu bitartean. Boris Tadic presidenteak, berriz, ez dituela bozak aurreratuko esan du, 2012an izango direla, aurreikusi bezala. Dena den, azkenaldian oposizioa egiten ari den presioagatik aurreratu ditzakeela uste dute adituek.