Ekialde Hurbila
Siria erasotzen segitzeko prest dagoela berretsi du Israelek
Israelgo Gobernuko iturriek jakinarazi dutenez, "Siriak igandeko bonbardaketak adierazi nahi zuen abisua ulertu nahi ez badu", berriro ere erasoak egingo dituzte herrialde horren kontra. Siriak talde armatu palestinarrei —batik bat, Jihad Islamikoari— babesa ematen diola berretsi du Israelek, eta hori amaitu ezean, zilegitasun osoa duela Damaskoren aurka jotzeko.
Israelgo irrati publikoak Ariel Sharonen Gobernuko iturriak aipatuz eman duen informazioaren arabera, prest daude berriro ere Siriari eraso egiteko. Igandeko bonbardaketa "abisua" izan zela diote iturri horiek, hau da, ustez Damaskoko Gobernuak talde armatu palestinarrei ematen dien babesaren aurkako neurria. Babes hori amait ezean, Siriaren aurkako eraso gehiago aurreikusten dituze Israelgo Gobernuak eta Armadak.
Iruzkinak
Ez dago iruzkinik
Ordenatu
