Federica Mogherini Europako Batasuneko diplomazioa buruak jakitera eman du Siriako gerra zibilarekin bukatzeko "prozesu bat" adostu dutela. Gai lantzeko Amerika, Europa eta Asiako hainbat herrialdeetako ordezkariek bilera egin dute Vienan gaur. Horren ostean, egin ditu adierazpenak Mogherinik.
Akordioaren zehaztasunak azaltzeko EBko Atzerri ministroen kontseilua deitu dute astelhenerako. "Erabakiak hartu ditugu eta EBk erabakien horien parte da". Prozesuarekin aurrera egiteko hurrengo bilera Parisen egingo dute.
Frank Walter Steinmeier Alemaniako Atzerri ministroak bileran parte hartu du. Haren arabera, Parisko atentatuek areagotu dute akordio bat lortzeko beharra. "Atzoko tragedia eta gero, Siriako egoerari irtenbidea bilatzeko erabakia indartu da. Oraindik oztopo asko daude bidean, baina prozesua hasi egin da". Steimeierrek jakinarazi du, Siriako trantsizioarako gobernua sei hilabetetan eratu eta konstituzio berrirako proiektua landu beharko dutela.
Vienako bileran hemeretzi herrialdeetako ordezkariek parte hartu dute, besteak beste, AEB, Errusia, Alemania, Saudi Arabia, Txina, Egipto, Frantzia, Arabiar Emir Herri Batuak, Libano, Iran , Irak, Italia, Jordania, Erresuma Batua, Turkia eta Oman. Eurekin batera, Siriak NBEn duen ordezkaria ere bileran izan da.
