Siriako oposiziok gaur esan du atzo Bashar al Assad presidentearen aurkako protestatan 24 pertsona hil zirela herrialde osoan. Atzo hildakoak bederatzi zirela esan bazuten arren, gaur 24 hildakoen izen-abizenak jasotzen dituen zerrenda bat argitaratu dute; horietatik hamahiru Idleb probintzian hil dituzte, Turkiako mugatik gertu.
Atzo segurtasun indarreko kideek tiro egin zuten berriro manifestarien aurka hainbat hirietan. Protestak masiboak izan ziren Haman, Deraan eta Alepon. Horien ondorioz, Al Asadek Ahmed Jaled Abdelaziz Hamango gobernadorea kargutik kendu du. Protestak hasi zirenetik, 1.367 dira hil diren zibilak, eta 343 soldadu eta poliziak.
