Sirian Bashar al Assad presidentearen errepresioak ez du etenik, eta azken orduetan hamar lagun hil dira Himsen. Segurtasun indarrek Jaled Ibn Walid maskitatik gertu tiro egin dute, Jaledia auzoan, eta gutxienez hamar pertsona hil dituzte. Giza Eskubideen Siriako Behatokiak jakinarazi duenez bart hasi ziren tiroak entzuten eta oraindik ere entzuten direla azaldu du.
Oposizioak, gainera, atzo beste hiru lagun hil zirela salatu du, horien artean Al Rastanen manifestarien kontra tiro egiteari uko egin zion soldadu bat.
Liga Arabiarreko idazkari Nabil al Arabi gaur Damaskora joatekoa zen, baina Siriako Gobernuak gaur bisita hori atzeratzeko eskatu dio "arrazoi objetiboengatik". Al Assadekin biltzekoa zen Al Arabi, eta Liga Arabiarrean egoera konpontzeko adostutako ekimena azaltzera da joatekoa.
Martxoan protestak hasi zirenetik gutxienez 2.035 zibil eta 477 soldadu hil dira Al Assaden erregimenaren aurkako protestatan.
