Somalian tropak sartzea egotzi diote Etiopiari

ADDIS ABEBA. Kenyako hedabideek lekukoak aipatuz diotenez, soldaduz betetako Etiopiako hogei ibilgailu militar sartu dira Somalian, eta Mukdisho hiriburutik 700 kilometrora daude. Etiopiako Gobernuak, baina, ukatu egin du hori, eta erran du inbasiorako aukera «aztertzen» ari direla oraindik. 2006an ere Etiopiako armadak Somalia inbaditu zuen. Gaur egun, Kenyako armada Al Shabab gerrillaren aurka ari da borrokan hegoaldean.