Strauss-Kahnek Dialloren aurkako salaketa jarri du

NEW YORK. Nazioarteko Diru Funtseko zuzendari ohi Dominique Strauss-Kahnek salaketa jarri du New Yorkeko hoteleko langile Nafissatou Dialloren aurka, eta 784 milioi euro eskatu dizkio, «difamazioagatik» eta «gezurrezko salaketengatik». Diallok sexu erasoa leporatu zion Strauss-Kahni duela urtebete, baina epaiketak aske utzi zuen, «froga faltagatik». Orain, Strauss-Khanek salatu du Diallok lanbidea eta askatasuna «kendu» dizkiola.