Sudango Gobernuaren erasoak salatu dituzte

KAIRO. Hego Kordofango Nuba mendietako herritarrek etengabe Sudango armadaren bonbardaketak pairatzen dituzte, Human Rights Watch erakundearen arabera. «Gerra krimenak eta gizateriaren kontrakoak» egiten ari ote diren aztertzeko eskatu dio nazioarteari. Hego Sudango mugan gerrillarien kontra ari da Khartum, «baina berdin egiten du zibilen aurka».