Myanmarko Parlamentuan hutsik jarraitzen du Aung San Suu Kyi NLD Demokraziarako Liga Nazionala alderdiko buruaren aulkiak. Haren alderdiko kideek ere parlamentura ez joatea erabaki dute, karguari zin egiterakoan Konstituzioa "babestea" eskatzen zaielako, eta haiek ez dutelako hori onartzen.
Alderdiko kideek Parlamentuan ez izatea erabaki dute, eta Konstituzioa "babesteko" konpromisoa hartu beharrean, Konstituzioa "errespetatzeko" konpromisoa hartu ahal izatea eskatu dute.
Ohn Kyaing alderdiko bozeramaileetako batek adierazi berri du soilik baldintza hori aldatzen bada joango direla parlamentura.
Pasa den ostiralean alderdiak gutun bat bidali zion Thein Sein presidenteari auzia konpontzeko, Auzitegi Konstituzionalarekin izandako negoziazioek huts egin ondoren.
Europako Batasunak bertan behera utzi ditu gaur Myanmarren aurka jarrita zituen zigorrak, herrialdean izaten ari diren "aurrerapenen" ondorioz.
