Giza eskubideen aldeko ekintzaile sahararren kontrako azken urteetako epaiketa garrantzitsuena abiatu zen atzo Marokon. Aljeriako errefuxiatu guneetan izan ostean iaz atxilotutako zazpi ekintzaileei traizioa egitea leporatu zien Rabatek; Tindufen Fronte Polisarioko ordezkariekin elkartzeagatik akusatu zituzten. Casablancako epaitegi batean izan ziren atzo zazpiak, tartean urtebete preso daramaten hiru ekintzaileak -Brahim Dahane, Ali Salem Tamek eta Ahmed Naciri-. Beste lau ekintzaileak urtean zehar askatu dituzte, nazioarteak egindako presioari esker.
Aminatu Haidarren babesa
Aminatu Haidar Casablancara joan zen atzo, ekintzaileei babesa ematera eta «egun historiko» horretan presente egoteko -aurreneko agerraldi publikoa du gose greba egin zuenetik-. Amnesty Internationalek ere haiek askatzeko eskatu du, kontzientzia presoak direla argudiatuta.
Tindufen izan ziren ekintzaile sahararrak epaitzen hasi dira Marokon
Aljeriatik bueltan iaz atxilotutako zazpi ekintzaileetatik hiruk urtebete daramate preso Marokon
Iruzkinak
Ez dago iruzkinik
Ordenatu
