Aste honetan Bani Walid eta Surt hartu ostean eta Muammar Gaddafi hil ostean, Trantsizioko Kontseilu Nazionalak Libia askatu dutela aldarrikatuko du bihar, gaur erakunde horren bozeramaile Abdo Rahman Businek jakinarazi duenez. Mustafa Abdulialil errebeldeen buruak egingo du iragarpena, Bengazin, Surt hartzeko borrokan parte hartu duten errebeldeak iritsi ostean.
Iragarpenaren ostean trantsizioa egiteko gobernua izendatuko dute. Egungo lehen ministroak gaur emango du dimisioa trantsizioa bideratzeko, Libiako Kontseilu Nazionala osatuko dute, legebiltzar funtzioekin, eta horrek Konstituzioa idatziko du. Asmoa hauteskundeetara zortzi hilabete baino lehen deitzea dute.
