Tunisiako Legebiltzarrak erabateko boterea eman dio presidenteari

Fuad Mebaza Tunisiako behin-behineko presidenteari dekretu bidez agintzeko boterea eman dio Legebiltzarrak.

Mohamed Ganutxi lehen ministroaren hitzetan, beharrezkoa zen presidenteari botere osoa ematea, premiazko erreformak onartzen denborarik ez galtzeko. 214 aulkietatik 161 kanporatutako Zine el Abidine Ben Ali diktadorearen alderdiaren esku daude. Igandean alderdiaren jarduera legez kanporatzea erabaki zuten.

Osoko bilkura egiten zuten bitartean, ehunka manifestarik Asanblada Nazionala desegiteko exijitu dute, «ez delako demokratikoa» eta «diktadura ordezkatzen duelako». Senatuak izango du azken hitza Mebazari botere osoa emateko.