Egun hauetan Recep Tayyip Erdoganen gobernuak manifestarien kontra erabili duen errepresioa gaitzetsi dute Europan. Prozesua astelehenean berriro analizatuko duten arren, ez dirudi aurrera egingo duenik, EBeko kide guztien akordioa beharrezkoa baita. Enbaxadore batzuen aburuz, negoziazioa oztopatzea baino eraginkorragoa litzateke indartzea.
Bi blokeek —EBk eta Turkiak— 2005ean hasi zuten prozesua, baina aldizka oztopo berriak sortu dira. Erdoganek dio Angela Merkel Alemaniako kantzilerraren erabakia hauteskundeei begirako estrategia izan dela: “Merkelek hauteskundeetarako material politikoa bilatzen du, eta material horrek ez du Turkia izan behar”.
