Turkiak gose greba uzteko eskatu die preso kurduei

ANKARA. Sadullah Ergin Turkiako Justizia ministroak gose greba egiten ari diren ehunka preso kurduri ekimena bertan behera uzteko eskatu die. Esan duenez, 680 preso politiko kurdu baino gehiago daude ekimenean parte hartzen, 58 espetxetan. Batzuek joan den irailaren 12an ekin zioten gose grebari, besteak beste epaiketetan kurdueraz mintzatzeko eskubidea eskatzeko.